生存

我好唔開心, 剛剛收到家姐訉息, 我兒甥女轉咗去隔離病房, 因為感染到細菌.

我昨天到醫院探完佢, 臨走的時候佢仲精神奕奕同我笑, 佢一出世已經好多病痛, 好瘦, 而且BB的時候已經要插喉, 而家一歲都未夠, 身體一向唔好, 但佢生命力好強, 而且有好強的求生鬥志, 所以佢一定會冇事, 我會搏命唱唸題目俾佢, 佢一定要轉重輕受, 一定要康復.

經過這件事後, 我更加覺得擁有健康絕對唔係必然, 我自己亦都係一樣咁多病痛, 所以大家健健康康就係上天俾我地最大嘅寶藏.

我地每天能夠活著便要感恩, 因為有好多人想生存都未必生存得到, 所以我地要珍惜生命, 無論遇到任何困難都千祈唔好做傻事, 記住要熱愛生命.